Tâm nar rlu lễ 30/4 n’hanh 1/5, n’gor Gia Lai wăch rgum nklăp 625.000 tơ̆ năch pâl nđaih nsĭt geh rlău 1.000 rmen prăk. Nău dja an saơ suan wăch rgum bah n’gor tâm Năm pâl nđaih gưl neh dak. Tĭng Sở Văn hóa, Thể thao n’hanh pâl nđaih n’gor Gia Lai, lam n’gor nchroh wơt nklăp 625.000 tơ̆ năch, hao 57% rđĭl đah ndrel khay dja năm e nơh. Suan wăch rgum bah pâl nđaih n’gor Gia Lai tâm rnôk dja nơm geh rêng kan văn hóa, lễ hội săk ntơr êng dơi ƀư ăp kôp. Ntoh lư lah Nar wăch rgum Văn hóa ăp rnoi nuĭh n’gor Gia Lai lor bôk năp đah ntŭk tŭr chĭng goh gong, mpât mprơ.

Bah nê, n’gor nkoch mbơh văn hóa, ndơ ngêt sa n’hanh nău kan ma jâng ti way ơm. Đah jâng nsan hun hao nkah uĕh dja, pâl nđaih Gia Lai hŏ năl dơi suan wăch rgum bah ntŭk tât uĕh n’hanh njêng jâng nsing khlay an nău kan tay bah Năm pâl nđaih gưl neh dak 2026.