Kuăl jă soan dăng mhe bah văn hóa, kon nuĭh Việt Nam tâm rach năm mhe
Thứ hai, 13:51, 04/05/2026
VOV Tây Nguyên/Nuĭh rblang: Y Sưng Phê Ja
VOV Tây Nguyên/Nuĭh rblang: Y Sưng Phê Ja
VOV.M’nông – Đại hội Đảng rơh tal 14 mĭn lah tay ăp nău wât mhe mpeh nău ƀư tơm bah văn hóa n’hanh kon nuĭh, uănh aơ lah n’gâng, n’hâm soan n’hanh tu tơm tâm trôm an hun hao nâp nâl.
Tĭng ăp nuĭh way kan, nuĭh khoa học nău mbơh ƀư ăp nău mĭn êng aơ an gĭt tâm ban, nchrăp lor n’hanh tâm di đah nău ngăn tâm rnôk mhe. Ăp nău mĭn n’hanh trong rƀŏng mpeh ndâk njêng, hun hao văn hóa bah Đại hội Đảng rơh tal 14 lĕ mĭn lah hun hao mhe nău mĭn lý luận n’hanh nău ngăn ntĭm rđău bah Đảng đah ntil nău văn hóa.
Văn hóa dơi an tâm nuih n’hâm bah rêh jêng, soan dăng khlay ntrôl hun hao ngăch n’hanh nâp nâl neh dak. Nkre ntŭk nsing gay mât nâp nău uĕh rnoi nuĭh tâm rnôk rgum lăp lam ntŭr neh jru hvi. Ăp trong nchrŏng nĕ geh nkô̆ nău gay văn hóa ngăn ngên jêng nuih n’hâm, rgop ƀư ngăn nău ŭch hun hao n’hanh ntơm rgâl mhe rach năm hun hao mhe bah rnoi nuĭh.
Viết bình luận