Tĭng nĕ, mông pah kan mhe kơt dŏng đah ăp ngih pah kan Đảng, Ngih dak, Mặt trận Tổ quốc n’hanh ăp đoàn thể bah gưl n’gor tât gưl xă geh: ôi bah 7h30 mnĭt tât 11h30 mnĭt; kêng măng bah 1h30 mnĭt tât 5h30 mnĭt. Nkôp đah nău ntrŭnh aƀaơ, mông ntơm pah kan ôi mbra rŭch 30 mnĭt, nkre mông lôch kêng măng măng la lơn 30 mnĭt.

UBND n’gor Dak Lak an gĭt, nău nkra rgâl gay rgum êp tâm ƀah mông pah kan đah Chính phủ n’hanh ăp n’gâng kan, nău kan Trung ương (way ntơm bah 8 mông). Rlău ma nê, nău rŭch mông pah kan ôi dơi uănh lah tâm di đah trôk nar n’hanh trong hăn nsum rnôk aƀaơ geh rlău n’gul rnoh n’gor, nkual ƀon têh ta lam dak kơt dŏng mông tâm ban nĕ. Đah ăp ntil nău geh êng kơt ntĭm nti, ngih dak si, ăp ntŭk kan mbra nchrăp lor nkra rgâl mông pah kan gay tâm di đah nău ntĭm nti n’hanh but uănh săm ji.