Ôi aơ (13/5), Đại hội đại biểu lam dak Tổ Quốc Việt Nam (MTTQ) Việt Nam rơh tal 11, năm kan 2026-2031 rƀŭn n’glôch jêh. Đại hội đah bôk nău: “Tâm rnglăp-Ƀon lan ƀư tơm-Rgâl mhe-Mĭn ƀư mhe-Hun hao” lĕ tâm nchră, uănh lah di, lĕ rngôich nu nău ăp gưl nuĭh ƀon lan n’hanh tâm rnglăp lĕ rnoi nuĭh; săk rnglăy ƀư tĭng nghị quyết, Bôk nău kanm bah MTTQ Việt Nam khóa 10, lvang 2024-2026, tâm ban ŭch trong nchrŏng, nău rƀŏng, Bôk nău kan pah kan bah MTTQ Việt Nam năm kan 2026-2031; nkra rgâl, ntop tay Điều lệ MTTQ Việt Nam; hiệp thương tâm ban ŭch đă Ủy ban Trung ương MTTQ VIệt Nam, Mpôl Kruanh, Ban Rnâng kan, ăp gưl kruanh bah Ủy ban Trung ương MTTQ Việt Nam năm kan 2026-2031.

Đại hội lĕ hiệp thương đă geh 397 nuĭh râng Ủy ban Trung ương MTTQ Việt  Nam khóa 11, năm kan 2026-2031 (mô tŏng 8 hê, mbra dơi uănh ntop tay tâm năm kan rnôk geh nuĭh kan tâm di). Jêh ƀư hiệp thương đă Ủy ban Trung ương MTTQ Việt Nam khóa 11, năm kan 2026-2031, Ủy ban Trung ương MTTQ Việt Nam khóa 11 lĕ ƀư Rƀŭn nchră rơh bôk năp. Tĭng bôk nău kan, ta rơh n’glôch jêh, Mpôl kruanh Đại hội mbơh jêh rƀŭn nchră Ủy ban Trung ương MTTQ Việt Nam rơh bôk năp khóa XI n’hanh mbơh Mpôl Kruanh Ủy ban Trung ương MTTQ Việt Nam khóa XI.