Ntoh lư kơt ta trong Quốc lộ 20, ta yôk nkue D’ran hăn let Đà Lạt tât Phan Rang, tât aƀaơ lĕ geh rlău 6 khay lôch rơh rluh neh 60 rbăn mét khối neh lŭ dôl geh ƀư ê hŏ lôch. Ta ntŭk rluh neh aơ, ntŭk kan têh hôm nha mô an ndeh rdeng ndơ hăn rlău 5 tấn ta ntung n’hanh aƀaơ hôm nha mbra geh rlâm ntung yor rluh neh ta mpeh ta luy âm. Tâm rnôk nĕ, ta yôk nkue Pren ntŭk ntơm lăp ta mpeh ba dâng tơm ta Đà Lạt, bol ma lĕ lôch nkra ntŭk rluh neh yơn ntŭk rluh nĕ geh tăch proăt trong hăn hôm âk ntŭk ba lơ trong mbra geh đang rluh neh an geh nkra ƀư ta năp khay mih. Wa Nguyễn Thanh Long, Groi Giám đốc ntŭk kan rdâk njêng n’gor Lâm Đồng an gĭt, nău ndâk nkra ăp ntŭk rluh neh n’hanh khuch khat trong hăn ta ntŭk hôm nha mbrơi đah nău ŭch ngăn geh.