Ntoh ngơi ntĭm rđău Đại hội, Tổng Bí thư, Kruanh dak Tô Lâm lah rjăp, cán bộ Mặt trận an geh nău janh chính trị, geh nuih n’hâm đah ƀon lan, geh nău nsing nơm ntŭk gŭ rêh, geh nău blău rgŏ jă, tâm ngơi, tâm bônh, mât njrăng nău di, mkra nu nău; mô dơi dêr ƀon lan, mô dơi knŭng pah kan tă bah nău mbơh; an hăn tât ntŭk, djăt tât dŭt, lah di nău ngăn, dăn đă di ntŭk, tĭng tât dŭt săk rnglăy; gay Mặt trận dăch ƀon lan lơn, djăt ƀon lan hvi lơn, ơh ƀon lan ngăch lơn, groi nđôi nău mkra dăn đă bah nuĭh ƀon lan kloh lơn.

Tổng Bí thư, Kruanh dak Tô Lâm đă Mặt trận an uănh mĭn njêng lý luận, n’glôch jêh nău ngăn mpeh tâm rnglăp lam rnoi nuĭh, ƀon lan ƀư tơm xã hội chủ nghĩa, dơi ƀư tơm bah Nuĭh ƀon lan lah nău kan dŭt khlay; tâm ôp tâm nchră ndâk njêng n’hanh mbơh ƀư nău kan tâm rnglăp lam rnoi nuĭh tât năm 2035, uănh tât năm 2045; ƀư kloh lơn nkô̆ nău, nău way, trong ƀư n’hanh mât uĕh soan dăng Nuĭh ƀon lan, soan dăng văn hóa, soan dăng kon nuĭh Việt Nam.