Tĭng ăp nuĭh way kan, nuĭh mât uănh, bôl ndơ geh âk, Dak Lak dôl rdâng đah âk ntŭl rlong kơt n’hŭch neh bri, nkra njêng lŏ mir mô nâp nâl, jêr bah rgâl trôk nar n’hanh nău đă nar lơ âk bah ntŭk tăch mpeh tâm di kloh uĕh, n’hŭch ndŏk nja.

Gay hun hao wăng sa kloh uĕh săk rnglăy, Dak Lak dơi đă rgâl dăng bah nău mĭn dŏng bri dak an hun hao tâm di đah wăng sa n’hanh mât ndrăy sinh thái; rgum tâm hun hao lŏ mir nkra njêng tay, wăng sa tâm pleh, kơp dơn rnoh carbon, tâm rgop hun hao pâl nđaih nsum mpôl hăn ndrel đah mât ndrăy văn hóa n’hanh ndơ dak lêng, bri. Wa Đặng Thị Thủy, Groi Giám đốc N’gâng kan Tuch tăm mât rong n’hanh ntŭk ntô gŭ âm n’gor Dak Lak an gĭt hun hao wăng sa kloh uĕh mô knŭng lah trong hăn ma hôm nău đă jăch ndal gay Dak Lak rƀŏng tât hun hao nâp nâl.