Bah năp nău tâm rlong nar lơn ma hô đah ăp ntŭk tât n’hanh tâm rnôk tach ndeh păr Liên Khương manh ntĭl mpông gay nkra têh uĕh tay, n’gor Lâm Đồng hŏ ntrŏng 6 nău dơn kan rgum tơm gay n’hao nău dơi tâm rlong wăch rgum năch.

Tĭng nê, n’gor Lâm Đồng ntrŏng mât dŏng ntêr lĕ năch hăn ma trong ndeh lơn lah năch tâm n’gor nơm n’hanh ăp n’gor kiău ma; ndăn ƀư wat jêh, n’glăp dŏng geh nău tam ăp ntŭk pâl nđaih tâm ntêng lêng nkual tĭng trong me “Đà Lạt - Tà Đùng - Mũi Né”; jêng ăp trong pâl nđaih ntĭt êng “Dak lêng – Yôk - Kao”, “Hiăr dak lêng – Dor yôk –Ndru me yôk ŭnh”; an ƀư bôk nău kan ntrŭt nsôr pâl nđaih tĭng rơh, geh nău tât râng ăp kôp bah ăp doanh nghiệp, ntŭk rhŏ dŏng manh gŭ nde, hăn pâl jong nar, nchuăn rdeng, nkual pâl nđaih, ăp ntŭk rhŏ dŏng pâl nđaih; n’hao dăng pah kan mât uănh ngih dak tâm trong kan pâl nđaih; ƀư ăp nar kan têh khlay n’hanh ntrôl dăng ntĭm nti, kơi năp nti tơm nuĭh kan pâl nđaih tĭng trong rƀŏng ngăn ngăn, nkre đah nău ŭch geh doanh nghiệp. N’gor Lâm Đồng nsrôih tâm năm 2026 wơt rlău 25 rkeh năch pâl nđaih, tâm nê năch dak bah dih geh tât rlău 1,5 rkeh tơ̆ n’hanh nsĭt geh bah pâl nđaih nklăp 71.500 rmen prăk hao 26% rđĭl đah năm 2025.