Nkhêp nkah ndray 51 năm Nar rklaih luh miền Nam, dơn ngoăy neh dak 30/4 n’hanh Nar Pah kan lam ntŭr neh 1/5, Mpôl pah kan bah Kruanh rđău kan Đảng, Ngih dak tă bah wa Nguyễn Thanh Nghị, Kruanh Ban Chính sách, Chiến lược Trung ương ƀư Kruanh mpôl hăn hŏ tât khâl, pă nklâm ndơ ăp rnăk dơi kơl ta xã Cư Jút, n’gor Lâm Đồng.

Mpôl hăn hŏ tât khâl, pă nklâm ndơ 2 rnăk dơi kơl, lah rnăk wa Lương Thị Thân, thanh niên xung phong geh ntưp dak si khêh hóa học n’hanh rnăk wa Mã Quang Vĩnh, me bơ̆ tahen ơm khĭt. Wa Nguyễn Thanh Nghị ôp khâl n’hâm suan, nău rêh, mpơl nău nkah gĭt jru đah ăp nău rgop bah ăp rnăk tâm n’gâng kan rlăch ndăng rklaih luh rnoi nuĭh; rgŏ jă ăp rnăk rêh rhơn mƀak, rêh ngăch dăng, ntik n’hao tay nău way ơm cách mạng. Nkre, dăn đă gưl ủy, n’gâng kan ta ntŭk uănh khlay tay, tĭng ƀư ăp tŏng, năn ngăch ăp trong kơl đah nuĭh geh n’hâm suan, đăp mpăn nău rêh drăp ndơ n’hanh nuih n’hâm an ăp rnăk dơi kơl ta ntŭk, rgop rdâk njêng ƀon tơm nar lơn ma hun hao.