Nthoi tay rơh pah kan ta Gia Lai, ôi 28/4, Đại tướng Nguyễn Trọng Nghĩa, Ủy viên Bộ Chính trị, Bí thư Trung ương Đảng, Chủ nhiệm Tổng cục Chính trị Tahen ƀon lan Việt Nam ndrel mpôl pah kan Trung ương lĕ tât khâl, an ndơ ăp rnăk dơi kơl, nuĭh geh soan ta lam n’gor di nkah gĭt 51 năm Nar Rklaih đăp mpăn miền Nam, kơp dơn neh dak. Ta nar mâp măt, mpôl lĕ an 300 nklâm ndơ tât ăp rnăk dơi kơl, rnăk ach o, phung pah kan n’hanh nuĭh pah kan geh nău rêh jêr jŏt.

Đại tướng lah rjăp, mât uănh nuĭh geh soan lah nău kan chính trị ƀa ƀơ bah Đảng n’hanh Ngih dak, mpơl nău rêh “Ngêt dak kah gĭt tu”, “Sa play kah gĭt nuĭh tăm” bah rnoi nuĭh. Nkre đă gưl ủy, n’gâng kan ƀon lan ƀư uĕh tay trong kan rsơl plơng, uănh tât lơn tay nău rêh drăp ndơ, nuih n’hâm bah ăp rnăk dơi kơl, rgop nâp nâl nău nsing nơm bah nuĭh ƀon lan, n’hao tâm rnglăp lam rnoi nuĭh.

Ôi lơ 28/4, mpôl pah kan Trung ương yor wa Nguyễn Thanh Nghị, Uỷ viên Bộ Chính trị, Bí thư Trung ương Đảng, Kruanh rnâng kan kơl kan, trong kan trung ương ƀư tơm lĕ tât ôp khâl, pă ndơ an ăp rnăk dơi kơl, rnăk ach o n’hanh nuĭh pah kan geh nău rêh jêr jŏt ta xã Quảng Phú, n’gor Đăk Lăk. Mpôl kan lĕ pă an 80 nklâm ndơ gay ma kơl an, rgŏ jă ăp nuĭh mô geh nău dơi ta ntŭk. Ta rơh tâm mâp, đồng chí Nguyễn Thanh Nghị tât ôp khâl săk soan, nău rêh bâh ƀon lan, nkre lah njoăl nău ôp khâl, rgŏ jă, tâm pă kơl bâh nuĭh leo kan Đảng n’hanh Ngih dak tât ăp rnăk vâl hôm nha geh âk nău jêr jŏt. Nkre lah ŭch ăp rnăk an geh n’hao tay nău tâm rnglăp, nsrôih pah kan jan sa gay ma geh njoat đăp mpăn nău rêh jêng, n’hao nău kan. Lah na nê̆ nău mpŏng kan tâm let năp tay, đồng chí lah na nê̆ ăp gưl kan, n’hao nău rêh. Lah na nê̆ nău mpŏng kan tâm let năp tay, đồng chí lah na nê̆ ăp gưl kan, ăp n’gâng kan mbra geh mbơh tơih tay an săk rnglăy nău kơl kan ta ntŭk rêh jêng, mât đăp mpăn an ăp nuĭh ƀon lan lĕ geh dơn nău dơi hun hao, mô an geh nuĭh nklơi tay ba kơi.