Ta rơh tâm mâp ƀon lan, Thủ tướng Lê Minh Hưng an gĭt, geh ƀon lan nkuăl ƀon têh Hải Phòng knơm, săch ƀư đại biêủ Quốc hội lah nău rhơn têh ngăn đah êng Thủ tướng nơm n’hanh ăp Đại biêủ Quốc hội. Thủ tướng an lah, rơh rƀŭn nchră tal 1 Quốc hội khoá 16 geh nău khlăy ngăn, ntơm rơh kan mhe, ntrŭnh nău kan hun hao bâh neh dak, ta ntŭk, tâm nĕ geh nkuăl ƀon têh Hải Phòng. Đah nău dơn kan lah nuĭh leo bôk năp Chính phủ n’hanh lah đại biêủ Quốc hội bâh nkuăl ƀon têh Hải Phòng, Thủ tướng lah na nê̆ mbra hăn ndrel dah Đảng bộ, n’gâng kan n’hanh ƀon lan nkuăl ƀon têh, ndrel đah ntŭk kan Chính phủ nsrôih ƀư dơi ăp nău kan hun hao bâh neh dak, tâm nĕ geh ăp nkô̆ nău kan, ntrong kan n’hanh nău ŭch hun hao bâh nkuăl ƀon têh Hải Phòng.