Thủ tướng Chính phủ lê Minh Hưng mhe geh nar pah kan đah Bộ Văn hoá, Thể thao ndrel Pâl n’aih; đă N’gâng kan ân geh rklaih ngăch lơn, nchrăp lơn, nsôih rjăp lơn, jru lơn, săk tam lơn tay tâm nau ƀư nau kan. Thủ tướng rnê prêh nau nsôih, ndrel ăp nau tă geh dơi ueh khlay lơn bah Bộ Văn hoá, Thể thao ndrel Pâl n’aih tă geh dơi tâm nau ƀư nau kan, nau nchrăp kan ndrel ăp nau kan geh jao, ngăn lah nau nchrăp mbơh nchră, ntrŭnh ƀư, nsôih ntrŭnh ƀư ngăn nau ntrŭnh rmô 80 bah Bộ Chính trị ndrel rơh rƀŭn tal bôk năp bah Quốc hội gưl XVI ntrŭnh mpeh hun hao văn hoá.

Rơh tât, Thủ tướng ân lah, ân dŭt n’hâm uănh khlay tâm nau ndâk njêng Đảng bộ kloh, nâp ăp ntil, ntô̆ n’hao nau kan bah nŭih dâk bộ rmôt kan. Thủ tướng kŏ đă ân nsôih lơn nau ntrŭnh ƀư Bôk nau kan neh dak mpeh văn hoá, mât ân tâm dăch nkô̆ nau, nau kan, nŭih geh kơl an. Pơk nau mhe tâm hun hao thể dục, thể thao; ntuh kơl geh tu tơm, khlay. Ndâk tay nau kan, n’hao nau nâp ndrel n’hâm ntul rlong, leo pâl n’ah jêng nau kan văng sa tơm khlay ngăn./.