VOV.M'nông-Tâm 2 nar kêng dŭt pơh dja (25 n’hanh 26/4) ta Gia Lai ƀư âk nău kan văn hóa săk ntơr êng. Nê lah Nar rgum Văn hóa ăp rnoi nuĭh n’gor Gia Lai lor bôk năp dơi ƀư ta Quảng trường Đại Đoàn Kết, phường Pleiku. Ndrel rnôk nê, ta Ntŭk têl ơm yău kăl e - văn hóa neh dak Plei Ơi, xã Chư A Thai ƀư ôp brah mih bah Yang Pơtao Apui. Aơ mô dơn lah nău kan văn hóa – pâl nđaih êng du ntil, ma nsĭt geh âk nău hôr khlay mpeh săk tơm, nsum mpôl n’hanh hun hao jŏ jong.