Tâm 3 nar rlu Giỗ Tổ Hùng Vương, pâl nđaih Lâm Đồng kơp dơn rnoh năch hao âk, âk ntŭk gŭ rlu bêng năch, ăp nău kan pâl nđaih rlu rlău geh ƀư ntoh n’gôr. Bâh lơ 25-27/4, n’gor Lâm Đồng vơt klâp ma 350 rbăn năch tât râng, gŭ rlu, tâm nĕ geh 14 rbăn năch dak bah dih, lĕ nău geh klâp ma 768 rmen prăk. Nău geh jru rlu geh 65-75%, êng năch rlu 3-5 sao geh tât 80-95%. Tĭng nău mbơh ntŭk kan văn hoá, thể thao n’hanh pâl nđaih n’gor Lâm Đồng, bâh geh nchrăp lor ueh jêng lah nău rnă njrăng, đăp mpăn hăn nsong, njrăng rtoh ŭnh sa n’hanh mât ueh ndơ sông sa ta ăp ntŭk pâl nđaih geh ƀư ueh, rnoh khlăy vơt năch ngăn lah rnoh ntŭk gŭ rlu đăp mpăn, mô geh n’hao êng rnoh khlăy, têk leo năch. Ta rơh rlu 3 nar, âk nău kan văn hoá- pâl nđaih kơt nău way ƀư brah, hăn nsong, njroh mprơ nghệ thuật nău pâl rlưn way ơm...geh leo kan, njêng nău geh âk năch tât, ntop ntoch jong nar rlu n’hanh n’hao nău geh.