Ntoh ngơi ta rơh aơ, Kruanh Quốc hội lah na nê̆, đah nău leo kan bâh Đảng, nuĭh kan Việt Nam mô rlu têh dăng, geh tât ta ăp ntrong kan, geh nău kan tơm khlăy ta rơh công nghiệp mhe, nău rêh ueh mhe n’hanh lăp kan ndrel đah lam ntur neh. Ntŭk leo kan Công đoàn Việt Nam ăp nar lơ ma mpơl na nê̆ nău dơi lah ntŭk knơm têh dăng bâh đoàn viên, nuĭh kan, đah âk nău kan na nê̆, săk rnglăy, mpŏng sĭt dăng let ntŭk kan ba dâng. Ăp nău kan tâm rlong, bôk nău kan mât kơl nău rêh, mât nău dơi n’hanh nău geh tâm di, ueh mhe bâh nuĭh kan geh mbơh tơih têh hvi, ntop mât njêng nău tâm boh kan ueh đăp mpăn n’hanh ueh mhe.