Lâm Đồng n’gluh tât năm 2030 hŭch âk rnoh xã, thôn dŭt jêr jŏt mha êng ma trong ntuh kơl ntŭk ntô, joi geh trong rêh n’hanh săk geh nău rêh nkual ƀon lan rnoi mpôl đê̆. Na nê̆, n’gor Lâm Đồng n’gluh tât năm 2030 nsrôih ntơm bah 15 tât 16 xã n’hanh 117 thôn nkual ƀon lan rnoi mpôl đê̆, mpeh yôk yang luh bah nău jêr jŏt mha êng.

Gay jêng tât ngăn rnoh dja, Lâm Đồng mbra an ƀư ăp kôp ăp trong nkra hun hao wăng sa rêh jêng kon nuĭh, tâm nê an ntuh kơl lor ndơ dŏng tuch tăm, nta joi geh trong rêh jŏ jong an nuĭh ƀon lan. Ndrel đah nê lah n’hao săk blău ntĭm nti, mât chăm n’hâm suan, hun hao tơm nuĭh kan n’hanh mât ndray rnoh khlay văn hóa way ơm. Bah meng nê, n’gor lor nchrăp rgum ăp tơm ndơ lam nuĭh, ntik n’hao suan dăng nơm ta ntŭk, bah nê tĭng kơn rgâl geh nău rêh, njêng nău rgâl kloh ta ăp nkual hôm jêr jŏt.