Aƀaơ lam trong mbơh lư tâm dâng ta n’gor Lâm Đồng tĭng kơn dơi ntuh kơl, n’hao têh tĭng trong uĕh mhe. Lam n’gor geh 94 radio ƀoh rup gưl xã. Âk ntŭk hŏ an ƀư ƀoh ngơi blău mhe, dŏng công nghệ rgâl nău nchih jêng bâr rŏ, ntop kơl nău ngơi rnoi mpôl đê̆.

Yơn lah, tâm nchră nchŏng luh âk nău rbăn lhơ đŏng kơt ndơ dŏng công nghệ thông tin ta du đêt ntŭk mô hŏ ăp kôp; trong ƀoh ngơi dŏng công nghệ thông tin - viễn thông mô hŏ nkrum lam n’gor; ndơ dŏng Internet ta nkual jru, nkual ngai hôm mpăng đêt… UBND n’gor Lâm Đồng dăn đă ăp n’gâng kan bah lơ, n’gâng kan tâm dâng ntrôl ngăch tay rgâl mbrô tâm nău kan mbơh lư tâm dâng, an ntuh kơl lor, n’hao têh dăng ndơ dŏng kỹ thuật tĭng trong rƀŏng ăp kôp, têh dăng mhe; pơk hvi trong ƀoh ngơi dŏng công nghệ thông tin - viễn thông; nkre uănh khlay dăp rgum, ntĭm nti rmôt cán bộ mât uănh công nghệ thông tin n’hanh rgâl mbrô tâm dâng.