Kêng măng 28/5, ta Ngih Quốc hội, Hội đồng Dân tộc bah Quốc hội ƀư nkah gĭt 65 năm ndâk njêng n’hanh wơt dơn Huân chương Lao động hạng nhất. Kruanh Quốc hội Trần Thanh Mẫn râng n’hanh ntoh ngơi ntĭm rđău.

Rlău 65 năm pah kan, Hội đồng Dân tộc lĕ geh âk nău rgop khlay tâm trong kan ndâk njêng pháp luật, groi nđôi n’hanh ntrŭnh ăp nău têh bah neh dak; râng uănh nđôi, rgop nău hang rhiăng nău nchrăp ƀư luật, rgop jêh nău kơl đah ƀon lan rnoi mpôl đêt, nkual yôk, nkual jru ngai.

Kruanh Quốc hội Trần Thanh Mẫn  djôt dơn, rnê rhơn ăp nău nsrôih, n’hâm soan bah ăp rơh cán bộ Hội đồng Dân tộc. Năm tât, Kruanh Quốc hội đă Hội đồng Dân tộc n’hao uĕh mĭn  njêng, nchroh mbơh nău kơl; đăp mpăn hun hao hăn ndrel tâm ban, mât nău uĕh văn hóa n’hanh nâp nâl tâm rnglăp lĕ rnoi nuĭh.

Nkre, ăp nău kơl an ƀon lan ƀư na nê̆, ngăn ngên, tâm di nău ŭch khlay bah nuĭh ƀon lan.