Lơ 21/5, Kruanh Quốc hội Trần Thanh Mẫn pah kan đah Rnâng kan Hội đồng Dân tộc. Kruanh Quốc hội lah rjăp, ta năp nău đă nău kan nar lơ âk, Hội đồng Dân tộc an rgâl trong ƀư pah kan mhe tĭng trong ndăn, khoa học, ngăn ngên; ăp nău kan an geh nar, ndơ na nê̆ n’hanh nuĭh trok lĕ đah nău kan rah wah.

Kruanh Quốc hội đă Hội đồng Dân tộc nchrăp lor gĭt nu nău, ngăch tâm nchră đah Đảng, Ngih dak n’hanh ăp nău geh tât nkual ƀon lan rnoi mpôl đêt n’hanh nkual yôk. Nkre, an tâm rgop rjăp đah ăp ngih pah kan uănh nđôi nu nău wăng sa-rêh jêng, mât njrăng bri dak, rnă njrăng ta nkual n’har bri, ntŭk têh khlay; n’hao boăt nthoi bah dâng, nchrăp lor dăn đă trong mkra nâp nâl tâm rnglăp rnoi nuĭh, mât nâp đăp mpăn chính trị-rêh jêng.