Lôch ra uănh tay, lam n’gor geh 44 rnăk mpeh săk dơi ntop kơl, lĕ ma 24 mblâm jay mon mhe n’hanh 20 mblâm jay nkra tay.

Đại tá Đinh Văn Hưng, Chính ủy Bộ Chỉ huy Quân sự n’gor Dak Lak an gĭt, rlău ma rnoh ntop kơl tĭng quy định bah Ngih dak, mpôl tahen n’gor nsrôih ntik n’hao tay tơm ndơ gay n’hao rnoh ntop kơl rlău 100 rkeh prăk đah jay mon mhe n’hanh 50 rkeh prăk đah jay nkra tay. Lah ta rơh ntơm rdâk ƀư, Groi kruanh UBND n’gor Dak Lak Đào Mỹ lah rjăp, aơ lah nău kan geh nkô̆ khlay chính trị, rŏng nuĭh jru, mpơl nău nkah gĭt đah ăp rnăk geh n’hâm suan đah cách mạng; nkre dăn đă ăp đơn vị geh tât kan nsum lhăt, đăp mpăn lôch jêh di nar, di nuĭh n’hanh di nău n’glĕ an.