Ta rơh pah kan đah Mpôl pah kan bah Ủy ban Khoa học, công nghệ n’hanh Môi trường bah Quốc hội mhe aơ, n’gor Dak Nông dăn đă kơi ntop dăp rgum trong loih Dak Nông - Lâm Đồng - Bình Thuận. wa Lê Trọng Yên, Groi kruanh rnâng kan UBND n’gor Dak Nông an gĭt, n’gor geh rnoh âk bô-xít têh n’hanh âk doanh nghiệp hŏ ndơ̆ siƀŭt dăn ntuh kơl, nkret njêng bô-xít đah lĕ rngôch tơm prăk đăng ký dŭt têh.

Gay njêng nău đăt ndal, n’gor Dak Nông dăn đă mpôl pah kan dăn đah gưl geh nău dơi kan bah lơ ntrŭt ntrôl ngăch ntuh kơl ƀư trong loih nthoi nkual Tây Nguyên. Tâm nê, Dak Nông dăn đă an lor rdâk njêng trong loih Dak Nông - Chơn Thành (Bình Phước) gay nthoi đah trong loih Xuyên Á jŭr tât ndrâm dak lêng Thị Vải, rhŏ dŏng an rdeng alumin, nhôm luh rnglăy. Nkre, dăn đă gŭ mĭn kơi ntop ƀư trong loih Dak Nông - Lâm Đồng - Bình Thuận lăp tâm dăp rgum trong loih gưl neh dak. Njăr trong loih dja kơl rdeng ndơ tuch tăm n’hanh ăp ndơ geh ƀư êng ƀa ƀă đŏng, rgop ntrŭt ntrôl hun hao wăng sa- rêh jêng kon nuĭh ta n’gor n’hanh ăp n’gor tâm nkual.