Ôi lơ 21/3, Groi Thủ tướng Mai Văn Chính pah kan đah rmôt kan mrô 7 mpeh nau kan ntop, pă tơm prăk ntuh kơl nsum ndrel nau jêr nkol bah ăp N’gâng kan, ntŭk kan Trung ương tâm 2 khay năm 2025. Lôch nau tâm nar rƀŭn, Groi Thủ tướng Mai Văn Chính rnê prêh ăp n’gâng kan, ntŭk kan Trung ương geh rnoh ntop pă ndrel dŏng tơm prăk ntuh kơl năm 2025 tâm rnôk prêh. Đah ăp n’gâng kan, ntŭk kan Trung ương mbrơi yor ăp nau nkol mpeh ntrơn ntŭk, nau ƀư kan, nkol tât neh ntu, ntŭk ntu.

 Groi Thủ tướng Mai Văn Chính đă rhuăt nau tă blau kan ân tâm di, ntrŭnh ƀư rjăp nau ntrŭnh bah Thủ tướng, n’hao nau rđau, đă, kloh nŭih, kloh nau kan, geh nau nâp, săk tam. Gay ntrŭnh đăp mpăn rnoh tơm prăk ntuh kơl nsum năm 2025 geh dơi rlau 95% nau nchrăp Thủ tướng jao, Groi Thủ tướng đă ăp ntŭk kan, n’gâng kan ntrŭt dăng nau ntop pă ndrel dŏng tơm prăk ntuh kơl năm 2025, tâm ne eđă mbrơi ngăn tâm dŭt khay 3 ân jêh nau ntop pă dŏng nau nchrăp tơm prăk năm 2025./.