Ôi lơ 21/3, ta Gia Lai, Groi Thủ tướng Bùi Thanh Sơn hŏ pah kan đah rđau kan n’gor Gia Lai ndrel Kon Tum mpeh nau văng sa, ntuh kơl ndrel tăch luh. Ntoh nau tâm nar pah kan, Groi Thủ tướng Bùi Thanh Sơn rnê prêh nau nau nsôih ndâk nau kan hun hao bah Gia Lai ndrel Kon Tum, yơn ŭch ân geh ăp nau kan geh nau dơi, rgum n’ăp bah năp măt ndrel jŏ jong. Ăp n’gor ân nchrăp tâm rgop ma ăp n’gâng kan ntŭk kan doh rklaih nau jêr tâm nau kan hôm kol, ngăn lah tâm nau kan ŭnh nar.

Groi Thủ tướng lah kloh ăp nau nsôih ơm kơt tuch tăm, tăm bri, văn hoá, pâl n’aih ân geh ƀư ueh. Tâm nau kan tuch tăm, bar n’gor ân ntrŭt dăng nau dŏng kan prêh mhe gay rƀŏng tât ndâk ntŭk kan công nghiệp dak si kơt nau kan bah Hàn Quốc. Groi Thủ tướng đă Gia Lai ndrel Kon Tum ân geh nau nsôih têh, ntrong kan têh, tâm rgop rjăp ma ăp ntŭk kan, n’gâng kan gay rlet nau ntul rlong, ƀư ueh nau dơi, đăp mpăn rnă njrăng ndrel dak ndrel hun hao nâp nâl./.