110 kon se ntoh lư geh nau blau geh rnê tâm rnôk Đại hội cháu ngoan Bác Hồ n’gor Dak Lak tal 11 geh ƀư tâm lơ 21/3. 110 kon se ntoh lư geh pă nau kơp dơn Mon mleh Wa Hồ gưl n’gor tâm Dak Lak lah ăp nŭih kon se geh nau kan ueh, nti blau, mleh, rlet nau jêr ndrel lah ăp băl mom geh nau blau, rđau kan đội blau ntoh măt ân rlau 300 rbăn đội viên, kon se jê̆ tâm lam n’gor. Ăp kon se hŏ nsôih tâm rlong, nchiăr nti geh âk nau dơi bah ăp nau kan, rgop n’hâm ndâk nau kan măng non, ntŭk pâl ân kon se jê̆ ndrel kơl an ăp băl kon se êng geh nau rêh jêr đah ăp nau kan tâm ban ma nuih n’hâm nơm.

Râng Đại hội Cháu ngoan Bác Hồ n’gor Dk Lak tal 11, ăp kon se geh râng ăp nau kan kơt: Mpoh kthup ntŭk nkah Nam Tiến ndrel mbơh nau blau tât Wa; khâl mẹ Việt Nam janh dăng; tâm n’ur “Kon se Dak Lak tâm rnglăp, gơih nau kan” tâm ntŭk kơl an hun hao ntĭm nti tâm rnglăp kon se rven rvo, tât uănh pâl kon se m’ak dăng, đăp mpăn, nti geh âk rbăn nau ueh./.