Kêng măng 21/3, ta Nhih pah kan Chính phủ, Thủ tướng Chính phủ Phạm Minh Chính hŏ wơt nuĭh Mât bôk Cộng hòa Tatarstan, Liên bang Nga Minnikhanov. Thủ tướng Chính phủ Phạm Minh Chính lah rjăp, Việt Nam uănh tâm boh way ơm tâm rnglăp, tâm boh tâm brê têh jong lam lĕ rngôch Việt Nam – Liên bang Nga; rhơn yor nău hun hao ngăch đah bar dak ta lĕ rngôch ăp trong  kan, lơn lah nău tâm khâl mpôl gưl têh way ƀư mbro, tâm boh wăng  sa- tăch rgâl- ntuh kơl, văn hóa, pâl nđaih, ntĭm nti geh âk nău dơi uĕh.

 Nsing nơm hăn khâl bah nuĭh mât bôk Cộng hòa Tatarstan tât Việt Nam rơh dja mbra rgop tâm boh đah Cộng hòa Tatarstan đah ăp n’gor bah Việt Nam, rgop ntrŭt ntrôl tâm boh têh jong lam lĕ rngôch Việt Nam -Liên bang Nga. Thủ tướng Chính phủ Phạm Minh Chính dăn đă Cộng hòa Tatarstan nsrôih ntrŭt ntrôl tâm boh đah ăp n’gor bah Việt Nam, lơn lah ntrôl âk tâm mâp ƀon lan, buăt nthoi đah nuĭh ƀon lan bar dak tâm let năp tay.