Tâm rnôk hăn pah kan ta Sri Lanka tĭng nău jă bah Quốc hội dak dja, Groi Kruanh Quốc hội Nguyễn Đức Hải hŏ geh rơh ôp srĭng nău đah Kruanh Quốc hội dak dja Jagath Wickramaratne. 

Ta rơh ôp srĭng nău, Groi kruanh Quốc hội Nguyễn Đức Hải nkoch nău tă ơm gĭt kan bah Việt Nam tâm hun hao tuch tăm, rdâk njêng trong ntĭt leo OCOP (ăp ƀon du ntil ndơ geh ƀư), n’hanh đă Sri Lanka đă mpôl hăn pah kan tât Việt Nam tâm ôp na nê̆ lơn tâm trong kan dja. Bar ding tâm ban ŭch n’hao âk tơ̆ tâm khâl, tâm mâp gưl têh n’hanh  ăp gưl, ntrôl âk tơ̆ tâm nđŭr ƀon lan, ƀư ăp nău kan ngăn ngăn nkah ndray 55 năm njêng tâm boh. Bar ding tâm ban ŭch ntrôl dăng tay an ƀư ăp nău tâm ton hŏ ký, pơk hvi tâm boh, tâm njêng đah ăp n’gor, ntrŭt ntrôl tâm boh văn hóa, ntĭm nti, pâl nđaih, Phật giáo, ntrŭt nsôr sinh viên Sri Lanka hăn kơt nti ta Việt Nam.