N’glôn jêh nar pah kan, Tổng Bí thư uănh lah Đảng ủy Quốc hội lĕ nchrăp lor, nsrôih tâm ntĭm rđău, ƀĭt joet, rgop na nê̆ nău ntrŭnh bah Đảng; nău kan ndâk njêng pháp luật geh âk rgâl mhe ngăn ngên; lơn lah ƀư lôch uĕh rơh săch Quốc hội khóa 16 n’hanh HĐND ăp gưl năm kan 2026-2031.

Khay tât, Tổng Bí thư đă mât uănh jru lơn Nghị quyết Đại hội 14, hăn ndrel tĭng bôk nău kan, trong nchrăp na nê̆; ntrôl ngăch trong rgop nău ntrŭnh bah Đảng, n’hao uĕh ndâk njêng pháp luật, groi nđôi, tâm di mpŏng ŭch bah nuĭh ƀon lan. Tổng Bí thư lah rjăp: nsing nơm, nău mpŏng kâp nuĭh ƀon lan lam dak njuăl mô knŭng rlu ta ăp n’ha phiếu ma dơi rgâl jêng ăp trong mkra di, ăp đạo luật uĕh nâp, ăp nău ƀư groi nđôi ngăn ngên n’hanh săk rnglăy. Ăp nău ntrŭnh, nău kơl têh bah Đảng an dơi rgâl jêng ăp bôk nău kan ndâk njêng pháp luật, ăp nghị quyết na nê̆.