Groi Kruanh Quốc hội Trần Quang Phương ndrel mpôl pah kan mhe pah kan ta xă Nhớn Ái, TP Cần Thơ mpeh trong kan nchrăp săch đại biểu Quốc hội khóa 16 n’hanh đại biểu HĐND ăp gưl. Ta nar pah kan, Groi Kruanh Quốc hội uănh lah prêh nuih n’hâm nchrăp lor, lĕ đah nău kan bah ƀon lan tâm trong kan nchrăp.

Ăp nău kan dơi ƀư rjăp, đăp mpăn ngăch tĭng nău ntrŭnh; trong kan hiệp thương, nchrăp nuĭh kan dơi ƀư di gưl; nu nău rnă njrăng đăp mpăn dơi hao, jêng nău dơh an nar săch. Mpeh nău kan mông nar, Groi Kruanh Quốc hội đă ƀon lan an mât uănh tŏng ăp tay ăp samƀŭt ntĭm rđău bah Trung ương n’hanh Hội đồng săch ngih dak; nchrăp uĕh tĭng nău gay nar săch ngăn ngên jêng nar rgum bah lam ƀon lan. Uănh khlay n’hao ntĭm nti, ntĭm nău kan an ăp ntŭk kan săch, rmôt săch; nkre tâm pă nkual nklăch phiếu khoa học, tâm di trong luh, lăp n’hanh nchih săk nuĭh ƀon lan tŏng ăp, kloh na nê̆.