Lơ 12/3, ta n’gor Ninh Bình, rmôt kan mêt uănh nau kan mrô 12 bah Bộ Chính trị, Rnâng kan Bí thư yor đồng chí Trần Cẩm Tú, Rnâng kan Ban Bí thư ƀư tơm kan hŏ geh nar pah kan ma Rnâng kan rđau kan Đảng uỷ Quân đoàn 12.

            Nkô̆ nau bah nar rƀŭn, rgum tâm nau rđau kan, rđau đă ntrŭnh ƀư nau rđau mrô 01 bah Bộ Chính trị mpeh nau mĭn, ntĭm nti, ntrŭnh ƀư, nkoch trêng ndrel ntrŭnh ƀư nau ntrŭnh Đại hội tal 14 bah Đảng ndrel nau rđau mrô 46 bah Bộ Chính trị mpeh nau rđau nar săch kan ntoh măt Quốc hội gưl 16 ndrel săch kan ntoh măt HĐND ăp gưl năm kan 2026-2031.

            Jêh geh djăt nau mbơh bah Rnâng kan Đảng uỷ Quân đoàn 12 đah âk nau dơi, ntoh nau tâm nar rđau tâm rơh rƀŭn, đồng chí Trần Cẩm Tú đă: Tal bôk năp lah ân geh ƀư ân nâp ueh lơn nau rđau rmô 01 bah Bộ Chính trị ndrel kơp uănh ăp nau kan, nau rđau kan, tâm nê geh nau rđau kan ăp nau kan tơm. Tal bar, nê lah rnoh ntŭk ân geh săch bah ăp cử tri tâm quân đoàn râng săch kan dŭt tâm tâm nkuăl hvi. Đă ăp đồng chí ân lŏ ntrŭnh ƀư ân rjăp nau rđau rmô 46 bah Bộ Chính trị tâm nau kan mêt uănh ăp nau nchrăp ân nar săch kan ân đăp mpăn rjăp, nâp ƀư tâm di luật, tâm di nau dơi, nau kan bah cử tri./.