Ôi 4/3, ndrel đah ăp n’gor tâm lam dak, hang rbăn druh ndăm ta ăp n’gor Dak Lak, Gia Lai, Lâm Đồng, Khánh Hòa hŏ nđơr hăn lăp ƀư tahen năm 2026.

Ta Quảng trường Chiến thắng (phường Quy Nhơn), n’gor Gia Lai ƀư njŭn hăn tahen năm 2026 tâm mông nar têh khlay, rhơn nđơr. Nar ƀư geh Ủy viên Bộ Chính trị, Bộ trưởng Bộ Ngoại giao Lê Hoài Trung; Thượng tướng Trương Thiên Tô, Groi Chủ nhiệm Tổng cục Chính trị tahen ƀon lan Việt Nam; ndrel kruanh rđău kan ta ntŭk, cán bộ, tahen n’hanh âk mpưm ƀon lan. Năm 2026, n’gor Gia Lai geh bơi 5.700 druh ndăm lăp tahen. Pah kan sơch lăp n’hanh kuăl jă druh ndăm lăp ƀư tahen dơi ƀư di nău way, đăp mpăn mbơh kloh, geh nău tâm ban, tŏng rnoh âk, n’hao săk blău. Nar ƀư njŭn hăn tahen năm 2026 ta Gia Lai lah nar rgum ngăn bah druh ndăm ta ntŭk, ntop tay suan ntrôl gay ăp tahen mhe nâp jâng chuat hăn, rgop rdâk njêng mât njrăng neh dak.

Rgum nsum ma Nar rgum hăn tahen, bơi tât 5.5000 bu ndăm geh dơi bah n’gor Dak Lak lĕ lăp tahen, ƀư nau kan ueh khlay đah neh dak. Tâm 15 ntŭk jao ndrel ndơn tahen tâm ăp ntŭk njrăng rdâng tâm n’gor, nau khuch n’gor geh ƀư nâp, ueh rhơn, yơn kŏ geh nau rngot klâng đŏng, nau kan jao, ndơn năm aơ geh âk nau mhe, rnôk ƀư nau kan n’gâng kan 2 gưl ndrel tâm rnglăp nau kan hành chính gưl n’gor. Năm aơ, Dak Lak geh 4.500 nŭih bu ndăm hăn tahen ndrel 849 bu ndăm hăn râng nau ƀư Công an ƀon lan. Nau nâp, nau tă blau ntĭm nti bah ăp tahen mhe tâm Dak Lak năm aơ lŏ geh n’hao prêh lơn, đah bơi tât 330 bu ndăm geh nau lôch nti Đại học, cao đẳng, trung cấp.

N’gor Lâm Đồng du rơh ƀư njŭn hăn tahen năm 2026 ta 12 ntŭk ta n’gor, njŭn rlău 4.600 druh ndăm hăn ƀư tahen huêng khlay đah neh dak. Năm aơ, lĕ rngôch rnoh âk jao tahen bah n’gor Lâm Đồng lah 4.607 druh ndăm. Ăp druh ndăm dơi sơch lăp đăp mpăn rnoh di chính trị, nuih n’hâm uĕh lŏng, nău gĭt blău văn hóa, n’hâm suan; âk nuĭh lôch nti đại học, cao đẳng, rgop n’hao săk blău tơm nuĭh sơch hăn. Pah kan sơch druh ndăm lăp hăn tahen dơi an  ƀư lhăt, geh nău tâm ban, mbơh kloh rvah; ăp rêng ƀư ra uănh bah tơm, sơch lor bôk năp, but săm sơch lăp ƀư lhăt jăp, di nău way.  

Tâm nau ƀư khuh răm, rhơn klâng, ăp nkuăl tâm n’gor Khánh Hoà ntơm ƀư nau leo jao, ndơn tahen năm 2026, ntĭnh leo 3.573 druh ndăm geh nau blau hăn ƀư nau kan tahen. Năm aơ, ăp tahen mhe bah n’gor Khánh Hoà geh jao tât ăp ntŭk kot; Lữ đoàn 957 (nkuăl 4 Hải quân), Ngih săm ƀŭt Sĩ quan Không quân, Sư đoàn Phòng không 377, sư đoàn 2, sư đoàn 305, ndrel n’gâng kan rđau tahen n’gor, Công an n’gor ndrel N’gâng kan rđau tahen Biên phòng n’gor. Gay mât đăpmpăn nau săch leo tahen, rơh rlau aơ, ntŭk kan tahen ăp gưl hŏ tâm rgop rjăp ma gưl uỷ, n’gâng kan, Mặt trận ndrel ăp rmôt nkoch trêng ntrŭt dăng Luật hăn tahen, mât ân nâp rjăp nŭih mra hăn tahen tâm ăp năm mra dơi geh hăn; năl kloh nau dơi chính trị rjăp, ƀư ân tŏng ăp nau dơi, nau ntrŭnh đah druh ndăm hăn tahen.