N’gor Dak Lak ntơm rdâk ƀư Ngih samƀŭt Phổ thông nội trú 2 gưl Tiểu học-Trung học cơ sở xă Ea Bung. Ndơ ƀư geh dĭng lĕ rnoh ntuh kơl 250 rmen prăk bah tơm prăk Trung ương n’hanh n’gor, ndâk ƀư ta rnoh neh nklăp 6ha ta thôn 1.

Rnôk jêh, ngih samƀŭt mbra tŏng nău ŭch nti, gŭ âm an rlău 1.300 kon hŏk lah oh kon nuĭh rnoi mpôl đêt nkual n’har bri. Xă Ea Bung dơi jêng tĭng nkô̆ nău nglăp nsum bah Ea Bung n’hanh Ya Tờ Mốt (ơm), ntŭk hvi, ƀon lan chah chrai, nău hăn nsong nti nsơm bah kon hŏk, ngăn lah tâm yan mih, hôm e âk jêr jŏt. Nău ntuh kơl ngih samƀŭt nội trú 2 gưl dơi mpŏng kâp njoăt rgâl n’hao uĕh ntĭm nti nkual n’har bri.

N’gor Lâm Đồng leo ntơm ƀư 3 ngih nti bar gưl nti ta ăp xã n’har bri lah Tuy Đức, Thuận Hạnh n’hanh Đăk Wil. Pe ngih nti nội trú bar gưl nti geh lĕ rnoh ntuh kan klâp ma 675 rmen prăk. Nău âk dơi rdâk ƀư ngi nti gưl 3, đah ăp ngih prêh dăp bâh 1 tât 3 dăp. Mông nar rdâk ƀư bâh khay 3/2026 tât khay 8/2027. Rnôk sa nkra, ăp ngih nti mbra vơt rhơn rlău 4 rbăn kon hoc bâh gưl nti Tiểu học tât Trung học cơ sở lah oh kon ƀon lan rnoi đê̆ tâm lam ntŭk .

N’gor Quảng Ngãi ƀư rdâk nkra, chôk jrŏng rdâk ƀư ngih samƀŭt Phổ thống nội trú 2 gưl Tiểu học-Trung học cơ sở ta 5 xă n’har bri lah: Bờ Y, Ia Tơi, Ia Đal, Đăk Long n’hanh Đăk Plô. Dĭng lĕ rnoh ntuh kơl ndâk ƀư 5 ngih samƀŭt rlău 1.100 rmen prăk. Du ngih samƀŭt dơi ndâk ƀư ta rnoh neh nklăp 5 ha, têh bah 700 tât 1.600 kon hŏk, tâm di ndơ tĭng ƀon lan.

Ăp nău nchrăp ƀư dơi ƀư tĭng ntrong ƀư ngih samƀŭt nôi trú 2 gưl Tiểu học-Trung học cơ sở, hăn ndrel đah dăp tay trong ngih jrô nti, n’hŭch ăp ntŭk ngih samƀŭt chjrai, geh ăp ntŭk ngih samƀŭt rgum. Lam n’gor Quảng Ngãi dơi ntuh kơl ndâk ƀư 9 ngih samƀŭt phổ thông nội trú 2 gưl Tiểu học-Trung học cơ sở ta ăp xă n’har bri. Lvang 1, n’gor lĕ mbơh ndâk ƀư 4 ngih samƀŭt ta ăp xă Rờ Kơi, Mô Rai, Sa Loong n’hanh Dục Nông, nchrăp jêh khay 8/2027./.