Kêng măng nđaơ (19/3) ta Ngih Chính phủ, Thủ tướng Phạm Minh Chính wơt Mpôl thanh tra bah Ủy ban Châu Âu (EC) yor wa Fernando Andresen Guimaraes (Phéc-nan-đô An-đrê-xừn Gui-ma-rết), Vụ trưởng Vụ Quản trị Đại dương lam ntŭr neh n’hanh Nău kan ka Nâp nâl, ƀư Kruanh mpôl kan di rơh khâl n’hanh pah kan ta Việt Nam.

Thủ tướng lah rjăp, nău dun n’gang sŏk joi IUU (nău kan joi tui ka mô tâm di, mô mbơh n’hanh mô tĭng nău ntrŭnh) mô knŭng gay tŏng ăp nău đă tăch n’gluh ma khlay lơn lah yor nău rƀŏng kan têh nĕ lah: đăp mpăn joi nău rêh nâp nâl an nuĭh ƀon lan n’hanh mĭn lah nău ntoh lư bah neh dak.

Gay ƀư rgâl nău rƀŏng aơ, Thủ tướng Phạm Minh Chính an gĭt, Chính phủ Việt Nam lĕ mbơh ƀư dŭt n’hâm âk rmôt trong mkra kơt lôch jêh trong ƀư; nsrôih djăt ăp nău đă bah Ủy ban Châu Âu (EC) gay dôh rklaih ăp wăk kol pháp lý bôk năp. Rmôt kan mât uănh n’hanh groi nđôi, ntrôl dăng rgâl mrô, tĭng cơ sở dữ liệu ƀon lan đah mât uănh duk mpan n’hanh kơt dŏng trong groi nđôi trong hăn (VMS). Bah meng nĕ, tĭng ƀư pháp luật, rmal rjăp, phong ăp nău tih lăp nkual dak lêng dak bah dih n’hanh joi mô tâm di.