Groi Thủ tướng đă n’hao ƀư ngăch nău kan, nsrôih an mbluh trong ndeh kĩ thuật ta năp lơ 2/9 n’hanh ƀư lôch lĕ trong hăn tâm năm aơ. Nău kan geh ƀư 2 gưl ta ntŭk yôk prêh đah 2 n’gor, yor n’gâng kan rdâk njêng leo tơm, rnâng kan mât uănh nău ƀư trong loih tơm dơn ntuh ƀư, đah nău jong 37,5km. Tĭng nuĭh tơm ntuh kơl, mih dak buk jŏ jong tâm năm 2025, ta ntŭk aơ geh jêr, âk ntung ntu ndrel đah rnoh khlăy pring xăng lĕ ƀư khuch tât nău ngăch, ueh mhe geh klâp ma 65% rnoh âk. Trôm neh ta yôk geh Ea Trang 1, Ea Trang 2, Phượng Hoàng n’hanh Chư Te đah lĕ nău jong 5,550m lĕ geh mbluh hăn, dôl ƀư tŏ bê tông ta ntu n’hanh ntrŭp trong kĩ thuật. Ta năp nău mbrơi ta nău ƀư kan aơ, Groi Thủ tướng Hồ Quốc Dũng đă ngăch ndăn ƀư ngăch, ơm mbluh ndeh rlong hăn gay ma ƀư an tâm ban lĕ rngôch trong hăn.

Ta rơh uănh nđôi, nuĭh leo kan n’gor Đăk Lăk đă trung ương an ntrŭnh ntuh kơl tay klâp ma 5km trong tâm têh bâh Khánh Hoà- Buôn Ma Thuột đah Đaị lộ Đông Tây, ntŭk hăn rphot let tach ndeh păr Buôn Ma Thuột gay ma n’hao an săk rnglăy mbluh lĕ trong hăn.