Ta nkual Nhơn Lý geh âk nău dơi mpeh pâl nđaih dak lêng yor geh âk nău khlăy văn hoá ntoh lư kơt nău way mpeh nău ƀư brah joi ka ta ndrâm gôl Xương Lý, lăng ông Nam Hải ndrel đah ăp nău khlăy êng mpeh ntŭk ntô ueh ta ntŭk rêh jêng. Gay ma mbơh tơih an geh săk rnglăy ndrâm joi ka tâm rgop đah nău pâl nđaih, UBND n’gor Gia Lai đă ăp ntŭk kan, n’gâng kan an geh tâm rgop uănh nđôi, rgâl mhe nău nchrăp kan tĭng nău ntrŭnh nchrăp kan nsum. Na nê̆, ntŭk kan văn hoá, thể thao n’hanh pâl nđaih leo kan dăn đă rgâl mhe nău nchrăp kan, nkre lah tâm rgop rdâk njêng ăp ntil ndơ pâl nđaih ta Nhơn Lý, Nhơn Hải tĭng di trong sŏk  dŏng nău khlăy văn hoá ƀon joi ka n’hanh nău ƀư brah ƀon joi ka. Ntŭk kan tuch tăm mât rong n’hanh ntŭk gŭ rêh uănh nđôi nău kan  uănh năl ndrâm joi ka, mĭn uănh nău kan ndrâm joi ka tâm rgop đah pâl nđaih tâm nău kan jŏ jong, gay ma dăn đă trong kan mât uănh, sŏk dŏng an tâm di. Ntŭk kan rdâk njêng uănh nđôi nău nchrăp rdâk njêng, mât đăp mpăn an tâm ban ndơ dŏng ntung trong.