Ta Bảo tàng Dak Lak (Phường Buôn Ma Thuột), Sở văn hoá, Thể thao ndrel pâl n’aih Dak Lak ƀư Bôk nau kan mpla n’hơ đah nkô̆ “Dak Lak đah Quốc hội-Nâp nâl nau rnơm, Nsum nau mpŏng”.

Rơh mpla n’hơ geh ntơm nar aơ tât lôch khay 4 năm 2026. Aơ lah nau kan tĭng nkô̆ tơm chính trị, văn hoá geh nau khlay ngăn, gay mbơh du trong ueh ngăn, geh nau săch luh ăp rup, nau kan ntoh lư mpeh rnôk ntơm njêng, hun hao bah Quốc hội Việt Nam. Bah nê, lah rjăp nau ƀư, nau dơi, nau kan bah Quốc hội; nkre lah, ƀư kloh nau tâm boh rjăp đah Quốc hội ndrel Đảng bộ, n’gâng kan ndrel ƀon lan ăp rnoi mpôl bah n’gor Dak Lak tâm rnôk hun hao bah n’gor./.