Mpôl pah kan lĕ tât uănh nđôi ta nkual nklăch phiếu mbrô 38, tổ dân phố 5 Tự An, phường Buôn Ma Thuột, n’gor Đăk Lăk. Lôch geh uănh nđôi nău ngăn, mpôl pah kan lĕ pah kan đah Uỷ ban săch kruanh n’gor Đăk Lăk mpeh nău nchrăp săch kruanh ta ntŭk. Ntoh ngơi ta rơh pah kan, wa Trần Sỹ Thanh kơp dơn n’hanh uănh rnê âk nău leo kan, dơn kan bâh n’gor Đăk Lăk tâm nău nchrăp leo kan, ntĭm đă mbơh tơih an rơh săch kruanh. Yor ta nkual neh hvi, âk ntŭk ngai ngŏt n’hanh nkual ƀon lan rnoi đê̆, ta ntŭk mô dơi geh nău bân thơ, mô mât njrăng. Đăk Lăk an geh uănh ƀư tĭng tay nău ntĭm đă bâh Trung ương n’hanh Hội đồng săch kruanh ngih dak, n’hao nău gĭt na nê nău kan ta ntŭk, mât đăp mpăn rnă njrăng ueh lăng ta ăp nkual nklăch phiếu; nchrăp ueh ndơ dŏng, pă an mpôl kan ntĭm leo ƀon lan an geh ƀư tĭng di nău ntrŭnh