Ta rơh lễ, ăp đại biêủ lĕ an kao si, mpoh su nhang kahgĭt n’hanh an geh nău kahgĭt mpơl nău ryơk mbah, lah ueh dŭt n’hâm tât đah 64 cán bộ, tahen Hải quân Nhân dân Việt Nam lĕ têh dăng tâm lơh, khĭt tâm nău kan mât đăp mpăn nău ƀư tơm ta dak lêng, gôl dak têh khlăy bâh Neh dak. Lôch geh nău way kahgĭt, mpôl hăn lĕ su nhang ta nkual môch sial, tât uănh ntŭk pla n’hơ ntil ndơ n’hanh bảo tàng tâm trôm neh ta nkual kahgĭt, ntŭk geh mât rbăy âk ntil săm ƀŭt, ntil ndơ dŏng ndrel đah nău rêh n’hanh nău kan bâh ăp tahen ta rơh tâm lơh mât gôl dak Gạc Ma, ndru gôl dak Trường Sa, n’gor Khánh Hoà ta năm 1988. Nkual kahgĭt tahen Gạc Ma lah ntŭk tâm mâp dŭt khlăy ta nău ntĭm nti way ơm, ntop ƀư n’hao nău rŏng dak, n’hao nău mĭn mât ƀư tơm dak lêng, gôl dak an rơh ba kơi.