Lah na nê̆ nău mĭn n’hao nău kan ta ntŭk, mât kan êng, leo kan trong kan tơm, Thủ tướng đă an geh gĭt tay na nê̆ n’hanh mbơh nchroh ăp nău tât, mbơh tơih trong kan tơm đah Đảng, Ngih dak mpeh nău kan tahen, mât rnă njrăng ngih dak, công nghiệp mât rnă njrăng, tâm rdâng, uănh năl nău kan, săk rnglăy nău mât njrăng, mô an geh nău mô njrăng, nău tât ndal. Mbơh tơih an geh săk rnglăy tay lơn nău nău tâm rgop mât ngih dak đah hun hao wăng sa rêh jêng, hun hao ăp ntil ndơ dŏng, kơl an hun hao wăng sa- rêh jêng, nău rêh an ƀon lan.

Thủ tướng Phạm Minh Chính knơm, đah nău way ơm ntoh ang, nău tâm rnglăp ƀon lan. ƀư tơm, rgâl mhe, dơn kan, nsrôih kan âk, tahen he mbra geh ƀư lôch dơi ueh ngăn nău kan geh pă jao, an tâm di n’hanh ƀư n’hao ueh nău way ơm, rup ueh bâh tahen wa Hồ kan jăp đah Đảng, kan jăp đah ƀon lan, ăp nău kan dơi geh ƀư lôch da dê, nău jêr jŏt dơi rlet rlău da dê, ăp nău kan ăp nuĭh rlăng dơi mprơh da dê.