Măng nđaơ (12/3), ta Ngih Chính phủ, ƀư mbơh nău ntrŭnh bah Thủ tướng Chính phủ mpeh trong kan cán bộ.

Jao an nău ntrŭnh n’hanh an nkao, Thủ tướng Phạm Minh Chính mbah rhơn đồng chí Trần Hồng Thái dơi Đảng, Ngih dak nsing nơm jao an nău kan nuĭh djôt bôk Viện Hàn lâm Khoa học công nghệ Việt Nam-ntŭk mĭn njêng khoa học công nghệ âk nău kan, âk ntil nău bôk năp, mât ƀư tơm “n’gâng kan” tâm trong khoa học ngih dak.

Thủ tướng mĭn lah nău Đảng, Ngih dak jao dơn ƀư Kruanh Viện Hàn lâm KHCN Việt Nam nsing nơm n’hanh nău mpŏng kâp dŭt têh bah Đảng, Ngih dak đah săk đồng chí Trần Hồng Thái kơt đah nău hun hao bah Viện Hàn lâm KHCN Việt Nam tâm rach năm mhe.

Ntoh ngơi dơn nău kan, đồng chí Trần Hồng Thái ton mbra tâm rnglăp, tâm ban ŭch, tĭng nău kan Thủ tướng Chính phủ jao, tĭng gưl n’hao ƀư tơm, nău kan bah Viện Hàn lâm KHCN Việt Nam; ƀư tĭng tay ăp Nghị quyết bah Bộ Chính trị, Nghị quyết chuyên đề bah Chính phủ, tă bah nĕ rgop uĕh tâm nău rƀŏng hao jêng 2 rnoh mrô bah neh dak năm tât.