Kêng măng ntri, 9/3, ta Jay Quốc hội ƀư Tâm nchră bah Ban Thường vụ Đảng ủy Quốc hội đah Ban Thường vụ Đảng ủy Chính phủ mpeh nkô̆, bôk nău kan rơh hop bôk năp, Quốc hội khóa 16.

 Lah ta rnôk ntơm pơk tâm nchră, Kruanh Quốc hội Trần Thanh Mẫn an gĭt, Tâm nchră gay tâm rkhăch, dơn ngoăy rđău đă bôk nău kan Rơh hop bôk năp gay ăp nhih pah kan geh tât ngăch ra uănh tay nô nău, rnoh ngăch nchrăp ăp nkô̆ gay đăp mpăn Rơh hop bôk năp – Rơh hop ntơm lor bah năm kan Quốc hội khóa 16 ƀư mbluh soih, đah rnoh săk blău, nău dơi dŭt âk.

Rơh hop bôk năp mbra ntơm pơk tâm nar 06/4, nchrăp mpôch dŭt tâm nar 25/4 n’hanh tâm pă jêng 02 rơh. Quốc hội mbra mĭn uănh: pah kan dăp rgum nuĭh kan, tơm nuĭh kan; pah kan njêng pháp luật; du đêt nkô̆ mpeh groi nđôi, wăng sa- rêh jêng kon nuĭh, ngân sách ngih dak.

N’glôch jêh tâm nchră, kruanh Quốc hội Trần Thanh Mẫn an lah, Rơh hop bôk năp lah rơh hop ntơm lor bah năm kan Quốc hội khóa XVI, jêng ăp nkô̆ nău nkrum lam mpeh dăp rgum, nuĭh kan n’hanh ăp trong nchrăp 5 năm bah năm kan mbra dơi mĭn uănh, n’glêh an.