Ntoh ngơi ta rơh pah kan, Kruanh Quốc hội an gĭt, rơh uănh nđôi, uănh năl rơh aơ gay ma uănh năl lĕ rngôch nău leo kan, ntĭm đă bâh rnâng kan Ban thường vụ Đảng uỷ Cơ quan Đảng Trung ương tâm nău mbơh tơih ƀư tĭng Nghị quyết Đại hội 14 bâh Đảng- văn kiện geh nău tơm khlăy mpeh trong kan, nău mpŏng kan hun hao neh dak ta rơh mhe. Nkô̆ nău uănh nđôi rgum ta nău leo ƀư mĭn uănh, kơt nti, mât uănh n’hanh mbơh tơih Nghị quyết, nău rdâk njêng, mbơh tơih bôk nău pah kan ƀư tĭng Nghị quyết nkre lah ƀư kloh na nê̆ ăp nău dơi geh, tâm ban kơt nău mô dơi, nău jêr, kŏ văk tâm ntrong ƀư tĭng. Ta meng nĕ, mpôl pah kan lĕ geh uănh nđôi, uănh năl nău leo kan, ntĭm đă mbơh tơih Chỉ thị mbrô 46 bâh n’gâng kan Chính trị mpeh nău leo kan bâh rơh săch đaị biêủ Qh khoá 16 n’hanh săch kruanh đại biểu HĐND ăp gưl năm kan 2026-2031.