Nglôch lôch rơh rƀŭn nchră, Tổng Bí thư Tô Lâm rnê âk n’hanh bôk năp le tâm ban đah ăp nău tâm rgop nsrôih ueh, tâm di đah nău ngăn bâh ăp đại biểu tât râng n’hanh nău geh lĕ dơi geh tâm ba năp nơh, ntoh lư lah lĕ geh ƀư lôch dŭt âk nău kan têh lĕ ngluh mbơh, nsĭt tay nău geh săk rnglăy na nê̆ bâh nĕ kơl gĭt na nê̆ nău mĭn bâh ăp cán bộ, n’gâng kan ta ntŭk lĕ geh ƀư âk nău rgâl mhe, geh njoat ndrel đah nău kan dŏng khoa học công nghệ ta nău ƀư tĭng ăp nău dơi kan bâh ăp n’gâng kan geh tât, lĕ geh ntoh du đê̆ nău kan tâm rgop kan đah doanh nghiệp đah ăp ntŭk kan geh nău dơi na nê̆, ngăn lah nău kơp dơn lah tâm ba năp nơh geh nău tât râng kan dŭt ueh bâh âk ntŭk kan doanh nghiệp n’hanh âk nuĭh kan khoa học tâm dak n’hanh dak bah dih.

Mbơh kloh na nê̆ 7 nău kan ma ăp n’gâng kan, ntŭk kan n’hanh lĕ trong kan chính trị an geh ƀư tĭng tâm let năp tay, Tổng Bí thư đă, ngăch ndăn ƀư an tâm ban ăp trong kan doh rklaih 7 nău kŏ văk tơm lĕ geh nchŏng mbơh tâm nău mbơh tơih, nkre lah ntrôl nău dŏng ăp nău dơi mpeh khoa học công nghệ mpŏng têh dăng ta nău n’hao pah kan jan sa, n’hao rnoh dơi nuĭh kan, kơl an ta trong kan mât uănh bâh ăp doanh nghiệp.