Rƀŭn nchră uănh lah săk rnglăy kan ndrel lvang 2021-2025, nkre tâm ban ŭch trong rƀŏng lvang 2026-2030. Năm bah năp, tâm boh kan ndrel đah Gia Lai n’hanh ăp n’gor  Nam Lào hun hao lĕ rngôch, geh âk săk rnglăy ngăn ngên. Gia Lai lĕ an 320 nklâm prăk kơl hăn nti, du năm geh rlău 100 kon hŏk Lào nti ta n’gor.

Mpeh ntruh kơl, 15 doanh nghiệp Gia Lai mbơh nău nchrăp ƀư ta Nam Lào đah dĭng lĕ rlău 595 rkeh đôlar. N’gor ntop kơl nklăp 60 rmen prăk ndâk njêng ăp ndơ ƀư tâm rnglăp. Ta rƀŭn nchră, kruanh n’gor Gia Lai n’hanh kruanh 4 n’gor Nam Lào lĕ ký ton samƀŭt nkah gĭt kan ndrel lvang 2026-2030, đah trong rƀŏng n’hao tay kan ndrel lĕ rngôch, rgum tâm ăp ntil nău ntĭm nti, dak si, lŏ mir, tăch rgâl, ntuh kơl, tâm nđŭr văn hóa n’hanh hun hao pâl nđaih.