N’gor Gia Lai hŏ lôch jêh pah kan nchrăp gay lăp tâm Pơh lê̆ ntơm pơk Năm Pâl nđaih gưl neh dak 2026 đah rêng kan têh hvi, mpŏng njêng suan wăch rgum dăng đah năch n’hanh nuĭh ntuh kơl tâm n’hanh bah dih dak. Ƀư ntơm bah nar 27 tât 29/3/2026, pơh lễ ntơm bah Rgum nchră “Pâl nđaih Gia Lai – Săk geh n’hanh mpŏng hao”, ntŭk ăp nuĭh rnâng kan, doanh nghiệp tâm ôp, dăn đă trong nkra hun hao pâl nđaih nâp dăng, rƀŏng tât ntŭk pâl nđaih dak bah dih.

Tâm nchră ntrŭt ntrôl ngăch ntuh kơl bah n’gor Gia Lai nar 28/3 nchrăp wăch rgum rhiăng doanh nghiệp râng, pơk luh trong tâm boh, hun hao trong nchrăp kan. Ntŭk rgum tơm lah Lê̆ ntơm pơk Năm pâl nđaih gưl neh dak 2026 tâm măng 28/3 đah bôk nău njroh mprơ săk ntơr êng, mpơl tay tâng jru văn hóa, lịch sử n’hanh nău nđơr nsan hao bah nkual neh Tây Nguyên. Nchrăp, lĕ rngôch Năm pâl nđaih mbra geh 244 nău kan âk mpưm, mbrach lam hvi ta âk trong kan.