Ta thủ đô London, Groi Thủ tướng Rnâng kan Nguyễn Hòa Bình mhe rgum ôp đah Kruanh Hạ Viện Anh Lindsay Hoyle. Groi Thủ tướng đă 2 ding n’hao lơn tay nău ƀư tâm rgâl rmôt kan, lơn lah mpôl gưl prêh, tă bah nĕ ndơ̆ tâm boh ăp ding hao prêh mhe.

Kruanh Hoyle uănh lah prêh 2 dak hôm e âk nău geh gay pơk hvi kan ndrel tâm ăp ntil nău kơt tăch rgâl-ntuh kơl, khoa học-công nghệ, ntĭm nti, dak si-ndơ dak si, nkret njêng ndơ sông sa, tâm nđŭr nuĭh ƀon lan... nkre mĭn lah Hạ viện Anh kơl mro, nchrăp ntop kơl Chính phủ 2 dak tâm nău n’hao, ƀư jru lơn nău tâm boh ăp ding. Kruanh Hạ viện đă 2 ding tâm rgop tâm ăp nău rnă njrăng, njrăng n’gang nuĭh tih tâm nĕ geh njrăng n’gang trơn gŭ mô tâm di. Nkhêp di rơh aơ, Groi Thủ tướng Rnâng kan n’hanh Chính phủ Hạ viện lĕ tâm nchră mpeh âk nău nkual n’hanh dak bah dih ndrel uănh tât.