Nar ntri (30/3), HĐND n’gor Dak Lak khoá X hŏ ƀư “Tâm nchră n’glôch jêh pah kan HĐND năm kan 2021–2026”. Năm kan 2021-2026, Hội đồng nhân dân n’gor Dak Lak kan tâm rnôk dăp rgum, n’glăp nsum nhih pah kan gưl n’gor, đah nău ŭch geh mhe mpeh dăp rgum nuĭh kan n’hanh trong kan. Tâm năm kan, hŏ n’gluh an bơi 1.000 nghị quyết ta ăp trong kan.

Săk tam nghị quyết nar lơn ma dơi n’hao prêh, grêt dăch ngăn ngăn, năn ngăch jêng ngăn ngăn ăp trong nchrăp bah Trung ương n’hanh bah Tỉnh ủy, njêng trong soih aih, ntrŭt ntrôl hun hao wăng sa- rêh jêng kon nuĭh, đăp mpăn njrăng n’gang neh dak- rnă njrăng. Ta tâm nchră, wa Lương Nguyễn Minh Triết, Bí thư Tỉnh ủy Dak Lak nchih nkah n’hanh rnê âk ăp nău dơi geh khlay ma HĐND n’gor hŏ dơi geh tâm năm kan rlău aơ. Nkre dăn đă HĐND rgâl mhe tay, n’hao săk tam kan, ntik n’hao nău khlay kan nhih pah kan ƀon lan n’hao an, tŏng an nău ŭch geh hun hao bah n’gor tâm rơh mhe.