Wa Nguyễn Kim May-Kruanh UBND xă Ea Ktur, nkuăl Cư Kuin, Dak Lak năl, ta xă geh nău rmok dak ƀư 3 kon hŏk khĭt. Tâm rnoh ăp nuĭh roh, geh 2 oh lah kon hŏk jrô 4 n’hanh du oh nti jrô 3, ta ngih sam ƀŭt Tiểu học Nguyễn Đức Cảnh, xă Ea Ktur, nkuăl Cư Kuin, n’gor Dak Lak. Nklăp 11h30’ nŭng nar 22/4, rmôt kon hŏk jêh nti lĕ tât n’glău dak bât Việt Đức 4, xă Ea Ktur, nkuăl Cư Kuih, n’gor Dak Lak (tă bah ngih sam ƀŭt nklăp 1 km) gay ŭm.

Tâm rnôk ŭm, ăp oh mô lap tŭp tâm nkual dak jru, jêh nĕ geh rmok. Du rmôt kon hŏk êng saơ nău lĕ kuăl jă ăp nuĭh tât kơl. Yơn lah, rnôk ndơ̆ ăp mon ta kơh, rhôp kơl yơn ăp mon mô bah. Lĕ 3 oh mâp rmanh lah nuĭh rnoi mpôl đêt, geh nău rêh dŭt jêr jŏt. Jêh rnôk geh rmanh, ntoh măt kruanh UBND xă, ăp nău kan nsum mpôl lĕ tât ôp khâl, ntrŭt nsôr, râng n’hanh an du gâl prăk rhŏ nău an ăp mon.