Lơ 5/3, ta Lữ đoàn Đặc công Dak 5 (phường Đông Hải, n’gor Khánh Hòa), nkual nklăch phiếu mrô 4 lĕ ƀư săch ơm đại biểu Quốc hội khóa 16 n’hanh đại biểu HĐND ăp gưl năm kan 2026-2031, đah ăp nuĭh ƀon lan lah cán bộ, tahen tâm Binh chủng Đặc công, nchrăp hăn trong ƀư nău kan ta ăp trong dak lêng, gôl dak.

Nkual nklăch phiếu dơi nchrăp uĕh, đăp mpăn rjăp, di nău ntrŭnh. Jêh ntơm ƀư, Rmôt săch mbơh nkô̆ nău ntrŭnh jrô nklăch phiếu, ntĭm ƀư tĭng nău dơi săch. Ăp nuĭh ƀon lan ƀư dăn nchih săk sŏk phiếu n’hanh nklăch phiếu tĭng di trong. Nău ƀư săch ơm kơl cán bộ, tahen ƀư tĭng tŏng ăp nău dơi n’hanh nău kan nuĭh ƀon lan lor rnôk hăn trong pah kan. Trong kan săch ƀư đăp mpăn, mbơh kloh, di nău ntrŭnh bah pháp luật.