Ta xã n’har bri Ia Pnôn, Ban rđău đă Tahen n’har bri n’gor Gia Lai ƀư bôk nău kan “Khay pe druh ndăm- Khay pe n’har bri” đah âk nar khlay kơt kơl an ndơ mpoh ang, ƀư ntŭk pâl an kon se nti.

Ma nău ơh 20 nău ôp ta tâm rlong “Rung chuông vàng”, kon se nti Nhih nti Tiểu học n’hanh THCS Lương Thế Vinh, xã Ia Pnôn, n’gor Gia Lai hŏ wât kloh lơn mpeh n’har bri neh dak, Luật tahen n’har bri Việt Nam tâm ban kơt nău khlay bah Mpôl tahen n’har bri. Bah nê, rgop n’hao nău gĭt êng pháp luật, kơi năp nti nuih n’hâm rŏng dak n’hanh nău gĭt dơn êng nău kan tâm mât njrăng neh dak ntơm bah rnôk hôm gŭ ta nhih nti.

Tâm trôm bôk nău kan, Ban rđău đă Tahen n’har bri n’gor Gia Lai hŏ kơl an kônh wa ƀon Triêl du “N’gâng ŭnh mpoh ang nkual n’har bri” rnoh khlay rlău 75 rkeh prăk; kơl an 50 nklâm ndơ an ăp kon se nti geh nău rêh jêr jŏt.