Lăp mông nar n’gŭr răm bah ăp nar khay 3 têh khlay kăl e, măng 16/3, n’gor Kon Tum ƀư nkah gĭt 50 năm Nar rklaih đăp mpăn. Nar 16/3/1975, lĕ rngôch ăp rmôt bah n’gor Kon Tum ndrel Sư đoàn 986 lăp in, ƀư tơm ăp nkual tahen, chính trị têh, rklaih đăp mpăn lĕ rngôch nkual têh Kon Tum n’hanh nkual Bah lơ Tây Nguyên.

Ta ƀư nkah gĭt, wa Lê Ngọc Tuấn, Groi Bí thư N’gor ủy, Kruanh UBND n’gor Kon Tum mĭn lah; Rklaih đăp mpăn Kon Tum lah nău têh khlay bah Đảng bộ, tahen n’hanh ăp rnoi nuĭh tâm n’gor, rgop khlay tâm trong ndăn ngăch  bah nău rdôl lơh n’hanh ndâk lơh yan wai 1975 rklaih đăp mpăn lĕ rngôch miền Nam, kơp dơn neh dak, Mât uĕh nău way ơm janh dăng, jêh 50 năm rklaih đăp mpăn, Đảng bộ, tahen n’hanh ăp rnoi nuĭh n’gor Kon Tum lĕ rlet rlău dŭt njê, ntŭl rlong ndâk ƀư hun hao ƀon tơm nar lơ uĕh ndrŏng. Âk năm mro n’gor Kon Tum mât ngăch hao jêng wăng sa ta rnoh dŭt âk. Tât aƀaơ rnoh rnăk ach o hŭch 4,31%; nău rêh drăp ndơ n’hanh nuih n’hâm bah nuĭh ƀon lan dơi hao, muh măt thôn ƀon n’hanh nkual ƀon têh mô rlu rgâl mhe